قرأت تلك القصيدة لأول مرة بمنتديات التكية فكان لها أثر فى نفسي لذا أحببت أن تكون هنا فى مدونتى لذا أستأذنت من كاتبها . أتمنى أن تروق لكم .
حكاية شوق مالوش أخر
وليه اشتاق
وانا عارف بان الشوق دا ليه اخر
وانا ف حبك انا العارف
بان الحب
جوايا ملوش ....... اخر
انا ناوى بانى اكتبلك الاشعار
واكون زاهد ف دنياكى
واعيش ف رحابك الموصول على قلبى
وعيشى يبقى وياكى
وتبقى الذاد
ولو عشقك
هافوتله بلاد
لان العشق جوايا
بيندهلك
وانا ف بعدك
اخدنى الوقت
وبتساير مع النجمه المسافره بعيد
واناجيها
واقول لو مره
بس تكون حبيبتى معاكى
وانا اجيها
واخدها بعيد عن الدنيا
انا وهى نروح لبلاد
ما فيها عيون تبصلنا ولا حراس
ونفتح قلب بات مقفول على الحرمان
ونوصد باب غرام واكل ملامحنا
ونفرد كفنا
لله
نقول يا رب ريحنا
دا انا وهي
حنين ممزوج بطعم الحب والحيره
انا فارس ملوش ف الدنيا غير هي
وهيا فى القليب الاسمر
بقى اميره
( دى وناسة هوى ليلى )
وانا لقيتها
وحالف ميت يمين انى
اشد لجام زمن عاصى
واكبل قيد مخوفنى
واسابق ف الزمان واجرى
عشان الحق
اقول كلمه معاندانى
واشبك ايدى مع ايدها
يحاوطنا نسيم الورد
وحلم الغد نفسى ف يوم
انا اروحله ويلقانى
وكلمه اخيره لو ينفع
انا ناوى وهاغزل توب
وشال اخضر
واجيبهملك
ف ليله حب ورديه
ويشهد ع الهوى الطاهر
نجوم الليل
وقمرايا
تضوى حلمنا الفتان
دا انا وانتى حكايه شوق
ملوش اخر
*************
الشاعر
محمد احمد
7/10/2008
