هذه القصيدة كتبت على مرحلتين بين كل مرحلة شهرين المرحلة الاولى بعنوان تهييسه فحين أكتملت سميتها كله تمام
*****
هي حياتنا ايه؟!
غير نسكافيه ساده
مغموسه بدموعنا
وبكينا بزياده.
مكتومه أحلامنا
في دنيا ولاده
حزن و شجن و آهات
أتكسرت مرايات
و كُتبنا مرصوصه
على ألف رف سكات
.~.~.~.
وجابوا لي على راسي
مداس و علبة غاز
و قالوا لي حراسي:
بطل تصحي الناس
ده احنا قتلنا وطن
لجل القدم ينباس.
.~.~.~.
وباعوني تهييسه
رسموا لي دور كرتون
خلوني لبيسه
والعدل ف حصانته
صرخ و قال: جبار
معمول لي تعويذه.
سن القلم إحتاس
جبنا له لمبة جاز
ظهرت مخالبهم:
حاسب و فوق يا عم
ده أحنا ملوك الغم
ضحك الضمير و نهض
وشال في قلبه أمر
دار ع البيوت و سهر
ولا قالش: خاف.. أتصم.
زادوا في أوجعنا
ولا برضه رجعنا
رصاص و موت بيلم
في شبابنا .. أطفالنا
أو حتى أحلامنا
جوه العيون تتسم.
.~.~.~.
ونزعنا أورقنا
من كل بيه خناس.
مزق ملامحنا
لجل يصير كناس
للكلمة والمعنى
من كل عقل يا ناس
لكن شواربنا حلفت ما هتسبنا
فصبرنا و كسبنا
والسجن للسجان.
الجمعة 6 مايو 2011
