عارف

لما التوهة تصيبك فجأة

و الأشياء حوليك بتضلم

تلقى شعاع النور بقى عتمه

و النجمة في السما بلا معنى

عارف

لما تحس إنك متاخد

جوه زحام الكون و لا واخد

بالك من اللي بيرسم سكه

ليك بخطوط حمرا و مش سالكه.

لما دموعك تبقى الغنوه

تحيا صباحك ويا الغربه

تلقى الصحبه صارت غايبه

عن مفهوم الدنيا و سايده

كل صفات الغدر و قايده

جوه جبينك كل همومك

عايزه تلازمك على طول يومك.

تمسح جوفها في نني عيونك.

ترفض ترفص أحلى سنينك

تلقى طيف الوصل يعاند

اصله ده ساند

كل أصول اللعبه بإيده

علشان نفضل إحنا عبيده

أصله ده ماكر

حافظ .. فاهم

شارب .. واكل

نايم .. صاحي

و احنا يدوب بندور في سواقي

تهرب منا دموع خيبانه

تروي له أرضه

عشان عطشانه

حكم الساحر لازم بدمانا.

12 - 11 - 2010

الساعة 2 صباحا