فارس طبشور
**********
مبروك
و مبارك قلب الروح.
خطي الخطوه!!
عشرين مسمار في الزور.
خَطِي و خُطّي على راسي
مليون مجذوم.
وببرد العمر الفاني في عمق المحنة
اصرخي: مخبول
هنقول: مهبول؟!
يمكن مجنون و جنونه ده ذكرى
بتشد في بكره تقول محروم.
علقي على صدري شارات،
و أقفلي كل الإشارات.
ف زحمة عقلي قولي:
ملعون.
ملعون وبيلعن أي كلام بيقوله
لو بنت جميله ندهت يوم تروحوا له.
غطوه بالتلج عشان يدّفى.
آه مجروح يا زمان بالحب
و ف جرحك كله بيخطب على منبر أحزانك.
الكل بيحفر في زقائق نفسك.
ولا حدش عارف فين القسمه المقسومه على ظهر الفارس،
والفارس مرسوم بالطبشور.
و أنا في رسايلي بقول:
أقتلي مجنون بعيون الرحمة
و أرحمي رسمه كانت ذكره جميله
لبنت جميله
تدعى جميله
ماتت مخنوقه
بإشرب هديه كان يوم يحمل لونه الأبيض.
3 ديسمبر 2011
