الكاتبة إيمان عزمي
الهروب الى الهيش | Diwan Bookstore
الهروب الى الهيش | Diwan Bookstore
روايتي الهروب إلى الهيش سعر النسخة داخل مصر 15 جنية
بتسلمي
وتقولي للقلب إللي دارى عليكي:
إرحل،
مزق تاريخك وأبتسم
أنصب هتضحك!
وأرمي في طريقك كلمتين:
كنت ...
وسطرين ألم
متشعلقين
بين سكاتك و حكاياتك و الندم.
بتقولي إيه؟!
بتشخبطي في الورقة ليه؟!
و بتنزعي أحلام كتير متلجمه
عارف ازيتك
وكتير نسيتك
لكني محبوس من سنين في خطوتك
مزنوق في خوفي المنتفض من حضرتك
بتسلمي؟! وتصممي
أتكلمي
وقولي لي: أرجع
متضيعيش طفل أتولد
من ضحكتك
و لا تبعيش
عندي اللي لآن ف محبتك.
أشياء كتيره بتندهك
مابين إيديكِ أتعلمت
وعلمت.
يا ملحمة حبي إنشليني
يا أم الشجن ما توشوشيني
طيب خلاص أمشي و سيبيني
شكرا أوي
قلبك قوي
لكني في بعادك هكون برده القوي
22 مارس، 2011، الساعة 09:51 مساءً
طاردتني عينيكِ الممتلئة جنونا،
فتلألأت بعيوني نغماتي الراقصة على ألحانك الشرقية.
تلبستني روحك الجنية،
فغصت في عواطفكِ المحفورة بذرات جسدي
و انتشيت من ابتسامتكِ الطفولية
لكنكِ بين ليلة و ضحاها حولتي كل أشياءنا لرماد و أختفيتي.
سنوات من الترميم
وزار خلف زار علكِ تغادرين أعماقي
لكن تعويذاتي صارت ملك يمينك.
28 فبراير، 2011، الساعة 07:49 مساءً
إعلان: مطلوب رئيس جمهورية
الخبرات: خوش القصيدة.
*******
عايزين موظف ع المعاش
ميكونش يعرف اللي فات
وتكون عيونه مدغمسه
حافظ ضميره ف تلجات
في العلم يعرف يفتكس
و ف الإدارة عقله مات
ويكون بيعرف يرتشي
خيط ودانه من سكات
.~.~.~.
عايزين موظف م الصفيح
لا عمره يصرخ أو يصيح
مرهون بشربه و أكلته
مشبوك في كرسي حضرته
.ِ~.~.~.~.
إياك تفكر تشتري م الصنف ده
أصله مرطرط يا جدع على ألف شكل
إنده وبس
هيجيك في زفه وينتظر عند القدم
وتلاقي همسه بينطوي على زيف و قتل
أه يا زمن
خلص الكلام و العدل مال
بس السؤال
كله نجح في الامتحان
ومين يكون سيد اللئام؟!
26 فبراير، 2011، الساعة 12:08 مساءً
وأدي الدنيا بتربينا
بتعلمنا نكون صاحيين
بعد ما كنا عمينا عنينا
عن حكام عايشين نايمين.
صرنا بنحرت في المشاوير
نرسم م الصرخات ياسمين
نلحق نجري ورا الاحداث
عمر دموعنا يوم تنداس.
.~.~.~.
اه يا سنين زايده في أوجاعنا
رغم صرخنا
ترجعي تدي قلب وجعنا
ورده و حلم و كلمه و معنى
تمشي علينا تقولي اشمعنى
غيري بيدهس و أنا بتلكع.
.~.~.~.
أيوه يا دنيا حبي علينا
كل رخيص وأعملي له زينه
أصلنا إحنا ولاد السوده
عذبي فينا أي ضمير بيزن علينا.
.~.~.~.
اه يا أساور ماليه عقولنا
نسعى نقولك كلنا توبنا
له بتدوري تصفي في توبنا
.~.~.~.
هو الحق بيجرح ليه؟!
ديما و بيتسك عليه
م الاحزان عبينا جيوبنا
والاحلام رميناها بذنوبنا
.~.~.~.
أصحوا..قولوا لها: يا دنيا لا
أرحمي صوتنا من المناداه
ده أحنا دارينا الشوك بحياه
ترسم ضحكة في قلب الاه.
.~.~.~.
غلغلي يلا يا نسمه و نادي
في قلوب حايره تحب بلادي
عشق و شوق عمره ما كان هادي
ضلي علينا كفايه أعادي.
23 فبراير، 2011، الساعة 07:38 مساءً
