تلك القصيدة حداد على الشاب المصري خالد محمد سعيد الذي قتل على يد مخبرين بالاسكندرية
............
لساك بتفرح؟!
حضر جيوبك على الوجع
راح تشتري من غير ما تطلب.
بردك بتفرح؟!
عايز تقول إنك جدع؟!
قلبي أتوجع
و الشرطة بتقول لك يا مصري طز.
لساك هتدفع
من دم قلبك
من عمر حبك.
لساك هتدفع..
أصبر على رزقك.
*******
مشغول البال؟!
بتفكر كام عيل هتربي؟!
و تقول يا ترى إيه مستخبي؟!
ده المستخبي يا ريته يفضل مستخبي.
ده الشعر شاب،
و الحزن مات و يا الفرح
ولعدش للاحساس كلام
ممكن يقول إللي جرى و ما جرى.
هل يا ترى؟!
عمرك بطولة ما الورق؟!
وألا الورق سابك و راح للي ظَلمْ؟!
11-6-2010
بني أدم مع إيقاف التنفيذ
********************
للاسف أثبتت الشرطة المصرية فى الاونة الاخيره أن المصريين هم بني أدمين مع إيقاف التنفيذ. فكل يوم تطل علينا الصحف بخبر جديد عن الحب الشنيع البشيع للشرطة المصرية لابناء بلدها و يكفي أن نذكر واقعتين متلاحقتين أولهما هي تعرض محامين للاهانة على يد وكيل نيابة فى طنطا ثم محاكمتهما و صدور الحكم ضدهما من أول جلسة بالسجن خمس سنوات مع الشغل و النفاذ و غرامة 3000 جنية لكل منهما دون محاكمة عادلة و الثانية هي تعرض الشاب المصري خالد محمد سعيد 28 سنة للموت على يد مخبرين بالاسكندرية.
هل تحول البني أدم المصري إلي مصدر لتنفيس أصحاب النفوس المعقدة و المشهوهة عن عقدهم الشخصية و النفسية فيه؟! هل توقفت بني أدمية المواطن المصري للأبد؟! هل أصبحنا مصريين اسما أما فعلا يحتلنا شيطان مارد جبار يدفعنا نحو الاسوء؟!
لا أجد ما أعبر به من كلمات عما يجيش فى صدري من حزن اتجاه ما يحدث للمواطن المصري ليس خارج البلد بل الاسوء داخل بلده على أرض المحروسة التى أصبحت منحوسة.
الامر لم يعد مقتصر على العاصمة بل أصبح الطغيان فى كل مكان و كل محافظة بك ِ يا بلدي الموجوعة.
حقا علينا أن نغير صفتنا من الانسانية إلي الوحشة و علينا أن نتخلى عن لقب بني أدم لاي لقب أخر فما يحدث هو مهزلة بكل المقاييس.
مش عارف فعلا مش عارف
****************
مزنوق من يومي في الحيطة،
و بخبي جوايا الزيطة.
بتخانق دايما مع رسمي
و بهلل لما أكسف نفسي.
مخنوق .. متعكنن! مش فرقه،
من أمتى حياتي كانت فارقه؟!
مش عارف فعلا مش عارف
من يومي أصلا مش شايف
غير ورقة محطوطه في درجي
علشان اتعلم أكون خايف.
مش عارف فعلا مش عارف
الورقة هجت يا بشاير
خرجتْ الهم .. مفيش بايت
ملعون الصمت.. أبوه خايب.
زعقت أمبارح في حكومتي
و كأني مولود في جرايد،
و بحلل و لا أحسن صحفي،
و أتكلم ولا أجدع نايب.
