إيمان عزمي
يا أيها الموبوء بالعشق الحزين

غدا تغرد حينما يغفو الانين،

فإذا تمرد للحنين موطني

 دعني أرد حداثتي

فغدًا اصوغ قصيدتي بالمبتدأ:

"يا ايها المسجون " 
*
1 مايو 2013
التسميات: 6 التعليقات | edit post
شايب
إيمان عزمي

ليه العيون متكحلة بالدمع

عيل ف صوت مارد

ولا قالش يوم اتلم

سارح ف قلب الصدا 

يلعن بنظره الغم

وأنا ع الحدود واقف 

تمثال وحُر اتكم

واخداني تنهيده 

متشرده ف سكة

مليانه ألفين إيد

متغمسين ف السم

وكتاب ورا جريده

ودوني تأبيده

ورجعت م الغيبه بجري ورا غيبه

عيل ف دور شايب

شارب ف ضحكه الدم

*
27 أبريل 2013


التسميات: 0 التعليقات | edit post
إيمان عزمي

وليه ع المعنى مش قادر

تحب اتنين

قلم غادر .. وطن بروحين

ف شط الكلمة بتعلم ف رمله العوم

ف شوق حرفين

بتتونس بلطشة خوف

وتتدار ف مليون جوف ف غمضة عين

ف أحلامك بلاش تتمشى بعيونك على الخدين

عشان قلبك يعيش راضي لعلم الغيب

يروح حاضر .. يجي حاضر

وتتسلى ما بين أمسك و بين ماضيي

تموت الذكرى مقسومه ما بين اتنين


*
28 أبريل 2013

التسميات: 2 التعليقات | edit post
و موصوفلي
إيمان عزمي

وموصوفلي أموت ف الضحكه صبح وليل

وأتغدى بنظرة عين

سما تمطر 

و أنا تايه ما بين أرضين

ما بين عايش أنا عليها 

وبين جفنين

على رموشك طريق شاهد على شهادتي

وخوف مني مجنني

أمل مكتوب على جبينك

( قريب مني و أسأل فين؟!)


*
1 مايو 2013



التسميات: 0 التعليقات | edit post